الشاعر علي عبدالله كويل
لطمية نوحي على حمزة
20/10/1444 - 8:09 ص 691
(نوحي اعلى حمزه
صريع اعلى الأرض مطروح
نوحي اعلى حمزه
وطاها المُعزّى
ينادي ومدمعه مسفوح
نوحي اعلى حمزه)*
وحشي لفى له/ابأمر هنْد وظهر حقده/وبحربه أرداه
وطاح ابرِماله/عفير اعله الترب خده/وتتفايض ادماه
وهند الضلاله/إجت واستخرجت چبده/ويلاه ويلاه
وهْوه اليعزّه/رسول الله وعليه اينوح/نوحي اعله حمزه
وناح النبي ناح/اونادى يا ألف وسفه/من شاف عمه
إمْجرحينه إجْراح/وَبَلا رحمه اگْطَعوا أنفه/وتجارى دمه
راح البطل راح/وانامل(ونامل)گِطْعوا من چفه/ومَثْلَوْا في جسمه
وعرش الله هزّه/مصابه والقلم واللوح/نوحي اعله حمزه
وخاف النبي اتشوف/أخوها وحالته الصعبه/أخته صفيه
امگطع بلسيوف/وچبده امطلّعه ابحربه/والله رزيه
وتصفج بلچفوف/أولجله المدمع اتصبّه/اتصير ابعزيه
وبعد المعزه/ابأخوها اتروح منها الروح/نوحي اعله حمزه
بس يانبينا/تخاف اعله صفيه اليوم/تنظر أخوها
وذيك الحزينه/العقيله الشافت المظلوم/ماتحضروها
گطعوا وتينه/أو داسوه إبخيول الگوم/وهْيه اسلبوها
وراسه اللي حزه/صبح يحديها وين اتروح/نوحي اعله حمزه
*من التراث طور نوحي على احسين
