اليوم السادس : شهادة الانصار

ثـاري اخْـوتي خطّار عندي يامسلمين        بس هـالمسيّه والصّبح للموت ماشـين

هـلّت دمـوع عيونهـا وقـامت كئـيـبـه         وطلعت تلوب وتسحب أذيال المصيبـه

وتصـيح اثـاري حسـين يتركني غريـبـه    حرمه و غريبه شلون اسوّي ابهالنساوين

صـاح الشّهـيـد حسـين زينب يازجـيّه         بطلي  البواجي  زادت  اهمومي  عليّه

صـبري عـسى الله يسـاعدج ياهاشميـّه       مــادام  أنــا  موجـود  يخـتي  ماتذلّين

تبجين يـازينب و عندج صفـوة ارجـال        عبّاس  بيهم  يعرفونه  مـوت  الابطـال

بـس يـنحدر للكون بـيـه يحـلّ زلــزال        شِبْهِ  السّحاب  بزلزله  يرج  المياديـن

صـاحت يخويـه جان هـلِّي تذكره دام          أدري  بحـياتـه  مايذلّـونـي  ولا انضـام

وامّـا المصيبـه جان فـوق المشرعـه نـام     بعده  نضيع  ونلتجي  يابو علي  وين

الليلـه بمعـزّه و باجر نشـوف الكسيره       يحـسـين  تبـلـيـني  ابهلـيـتـام  الكـثيره

ريـتـك  ابهاللـيلـه  تـواريـني  ابحـفـيره      ولا شـوفـك مجـدّل يخويـه ابغير تجفين

الليلـه بمعـزّه و باجر نشـوف الهضيمه      جـم أرمـله تـنـتحب حولي وجم يتيمه

شـان المسـافـر لازم يـوصـّـي بحـريـمه      و صّيت من يـانور عيني ابهـالنّساوين