صارت زلازل في المدينة وكادت اتمور

طلعت رجاجيل اونسا تلطم للصدور

الكل ينادي ياخلُق طود العلم غاب

واتزلزلت أرض المدينة من هلمصاب

وسفّه على الصادق يلحدونه بلتراب

ريّس المذهب سمّه الفاجر المنصور

حامي الشريعه اليوم وسفّه فاقدينه

وامن المصيبه اتزلزلت أرض المدينه

وناحت لعظم امصيبته الزهرا الحزينه

بوسط القبر أم الأيمّة ناصبة الدور

نادى المنادي وعبرته بخدّه جريٌه

مسموم مات الصادق وذاق المنيّه

بالله دنوحوا والطموا ياالجعفريّه

وخلوا الدمع لمصيبته بالخد منثور

و اهل العلِم ضجّوا فرِد ضجّة عظيمة

الكل يندّب سيّد الملّة بهضيمه

والله يساعد شيعته ويّا حريمه

حين اللي شالوا جثّة الصادق للقبور

واحنى عليه الكاظم ولله صبره

غسّل أبوه وكفّنه ولحّده بقبره

ماظل مرمي عقب موته على الغبره

مثل اللي ظل ابكربلا معطّل بلبرور