يا أرض النجف عندچ لو واحد يطب سمعي
وصيـه لازم تخليـه عنـد المرتضـى يسعـي
يا گاصد أبو الحسنين من توصل له اذكرني
من توصل لعند گبره بدعوه هناك تشملني
واطلـب منـه يـا زايـر خـادم عنـده يقبلـني
يقين أعظم شرف لمن تصير بحضرته تنعي
••• ••• ••• ••• ••• •••
گله وخلـي دمعاتـك علـى الخدين سچابـه
صحيح الغادر بسيفـه راسك يـا علـي صابه
ونزف الضربه يا مولاي شدوهـا بـالعصابـه
لمصابك يبو الحسنين علّي واجب أهل دمعي
••• ••• ••• ••• ••• •••
عجيبه اشلون متخضب بدمومك يبو السبطين
وفي محرابـك يعفـروك يـا فـارس بـدر وحنيـن
وأنت البـارزت بـن ود ومرحب يا كفـو ونعمين
ما واحـد فلت منهم بس تحمل ومن تدعـي
••• ••• ••• ••• ••• •••
صدگ شالـوك فـوگ الروس يا كـرار للمنزل
وكـل النـاس تتصارخ تقـول الكـون متزلزل
ومن طبيت يم الدار طلبت امن الحسن تنزل
تخاف تشوفك الحورا بهذا الحال ما توعي
••• ••• ••• ••• ••• •••
ثلاثتيام تتقلب على فراشك تقاسي السـم
وكلما تنظر عيالـك تتحسـر و يزيـد الهـم
والزيد عليك مصاب جرحك ظل يسيل الدم
ما ينفع لـه معالج طبيبه قال ذا وسعـي
أيوب ال مسلَّم
1444/09/26
