فوگ الترايب صـار عم النـبي مطروح
سابح بدمه والجسم مملي باللجروح
هالضربة اللي هدت أركان المسلمين
هاللي فعلها وحشيّ اللي زلزل الديـن
ما يدري من صاب البطل هز الاراضين
وأما النبي محزون لجله في بچى ونوح
بالحربه غاله وحشيّ في وسط المعـاره
من طاح وصلت للعدو بسرعه البشـاره
جـت لـه العدوه والگلـب يشتعـل ناره
والحمزه مرمي ويح گلبي وفاضت الروح
بيه مثلت تمثيل گبله ما جرى وصـار
وگطعَت أصابع رجل عم النبي المختار
وإذنـه برتهـا وعلّگتهـا مثـل السـوار
وجدعت له أنفه والدما من وجهه مسفوح
بالگـوه جرت چبدته هنـد اللعينه
ولاكتها يا عظم الجرم هالفاعلينه
تتشفى منـه وتگهـر الهادي نبينـه
الأملاك في ضجه عليه وياهم اللوح
وش حال گلب الهادي من شافه رميه
يجري دموع العيـن من عظـم الرزيـه
وأمـا صفيـه طاحـت عليهـم غشيـه
اشلون لو شافت أخوها بسيف مذبوح
يا ويح گلبي شافت الحورى أخوهـا
موزع على التربان جثتـه رضضوهـا
ذبحوا انصاره وإخوته وزينب سبوها
وظلت تنادي ليت گبله طلعت الروح
أيوب ال مسلَّم
1444/10/14
